Ish-përfaqësusesi i lartë i BE’së, Joseph Borrell ka kritikuar sjelljen e presidentit amerikan Donald Trump dhe zëvendëspresidentit JD Vance gjatë takimit me presidentin ukrainas, Volodymyr Zelenksy në Shtëpinë e Bardhë.

Borrell përmes një shkrimi në X tha se Trump dhe Vance kanë dhënë një shfaqje të turpshme.

Ai thekson se ka qenë dhe është me Zelenskyn.

“Trump dhe Vance kanë dhënë një shfaqje të turpshme. Jam i turpëruar nga ajo sjellje. Shtetet e Bashkuara meritojnë diçka më të mirë. Bota e lirë duhet ta mbështesë Ukrainën.

Unë isha dhe ende jam me @ZelenskyyUa”, shkroi Borrell.

Theksojmë se takimi mes Trump dhe Zelensky ishte me plotë tensione dhe përplasje, ku në fund edhe u anulua konferenca e përbashkët për shtyp. Zelenksy menjëherë la Shtëpinë e Bardhë.